کار تو خنده و موسخندی یه بیکار نشو
گل بادام گل سیو بومنو، گلم خار نشو
ده سرم قار نشو
عاشق آزار نشو
هر چه یه کار دله، ما که گناهی ندروم
دور گردون مه رفیقجو طنیو دار نشو
یا وفادار صحیح یا که جفاکار صحیح
یک لاظه کافر و یک لاظهی خدادار نشو
خبر استی که دلم خیلی گرفتار تویه
تو رقم دل مه خیلی گرفتار نشو
چه بوگوم خود تو موفامی چه کنی چه نکنی
آتش باغ غزل آتش گلزار نشو
تویی یک نغمهی دلکش تو خودت بیت و غزل
تو که محتاج نیی مضمون اشعار نشو
واژههای استفاده شده در غزل هزارگی
موسخندی: لبخند
یه: است
طنیو: طناب
نیی: نیستی
بیان دیدگاه